Настольная книга священнослужителя Часть 2 часть 48

И дал ми еси защищение (щит) спасения, и десница Твоя восприят мя, и наказание (научение) Твое исправит мя в конец, и наказание Твое то мя научит. Уширил еси стопы (шаг) моя подо мною и не изнемогосте плесне (голени) мои. Пожену враги моя и постигну я, и не возвращуся, дондеже скончаются. Оскорблю (поражаю) их и не возмогут встати: падут под ногама моима. И препоясал мя еси силою на брань, спял (низложил) еси вся возстающия на мя под мя. И врагов моих дал ми еси хребет, и ненавидящия ми - потребил еси. Воззваша - и не бе спасаяй; ко Господу - и не услыша их. И истню (разсыплю) я, яко прах пред лицем ветра, яко брение путей (грязь уличную) поглажду (попираю) я. Избавиши мя от пререкания людей, поставиши мя во главу языков. Людие, их же не ведех, работаша ми. В слух уха (по одному слуху) послушаша мя: сынове чуждии солгаша ми, сынове чуждии обетшаша и охромоша от стезь своих. Жив Господь и благословен Бог, и да вознесется Бог спасения моего; Бог даяй отмщение мне и покоривый люди под мя, избавитель мой от враг моих гневливых, от возстающих на мя вознесеши мя, от мужа неправедна избавиши мя. Сего ради исповемся Тебе во языцех, Господи, и имени Твоему пою: величаяй спасения царева и творяй милость (помазанному) Христу Своему Давиду и семени его до века. Слава Отцу и Сыну и Святому Духу. 131 Хор: И ныне и присно и во веки веков, аминь. Аллилуиа, аллилуиа, аллилуиа, слава Тебе, Боже (трижды). Господи, помилуй (трижды). Слава Отцу и Сыну и Святому Духу. Чтец: И ныне и присно и во веки веков, аминь. Псалом 20-й: Господи! силою Твоею возвеселится царь и о спасении Твоем возрадуется зело. Желание сердца его дал еси ему и хотения (молений) устну его неси лишил его. Яко предварил еси его благословением благостынным, положил еси на главе его венец от камене честна. Живота просил есть у Тебе, и дал еси ему долготу дний во век века. Велия слава его спасением Твоим: славу и велелепие возложиши на него. Яко даси ему благословение во век века, возвеселиши его радостию с (пред) лицем Твоим


На главную страницу
Hosted by uCoz